П.И.Чайковскийн “Нойрссон гүнж” балетыг Улсын дуурь, бүжгийн эрдмийн театрт энэ сарын 29-нд тоглох гэж байна. “Нойрссон гүнж” балетыг өнгөрсөн 2010 онд соёл урлагийг дэмжих “Төгөлдөр” сангийн санхүүжилтээр тайзнаа дахин амилуулж байсан юм. Гурван бүлэг дөрвөн үзэгдэл бүхий энэ бүжгэн жүжгийн цомнолыг И.Всеволожский, М.Петипа бичиж, М.Петипагийн хореографийг Т.Л.Соболева хувилан дэглэжээ. Харин манай тайзнаа гавьяат жүжигчин Х.Гэрэлчимэг сэргээн тавьсан байна. Тус бүжгэн жүжиг нь манай тайзнаа анх 1990 онд тоглож байжээ.