Мэдээлэл, харилцаа, холбоо, технологигүйгээр өдөр тутмын амьдралаа төсөөлөх боломж нэгэнтээ үгүй болсон энэ үед салбарын хөгжил дэвшил, шинэ үйлчилгээ, шилдэг шийдлийг олон нийтэд таниулах зорилготой “National ICT Expo-2012” үзэсгэлэн  энэ сарын 19-21-ний өдрүүдэд зохион байгуулагдсан  билээ.

Үндэсний хэмжээнд үйл ажиллагаа явуулж байгаа, мэдээлэл технологи, харилцаа холбооны томоохон байгууллагууд үзэсгэлэнд бүтээгдэхүүнээ танилцуулснаас “Скайтел” группээс шинээр гаргах гэж буй “СКАЙМЕДИА” “Онцлох үйлчилгээ”-гээр шалгарлаа.

Интернэт ертөнцийн хязгааргүй сан Youtube, Picassa- г телевизийн дэлгэцнээсээ үзэж, хамгийн олон HD болон 3D сувгууд, дуртай нэвтрүүлгээ хүссэнээрээ үзэх давуу талуудаараа СКАЙМЕДИА үйлчилгээ үзэсгэлэнг сонирхогчдын анхаарлыг татаж байсан юм. 

СКАЙМЕДИА бол өнгө дүрсний гайхалтай ялгарал бүхий 100 гаруй HD болон 3D /эйч ди, 3 ди/ сувгууд, хязгааргүй хурдны интернэт, суурин утсыг нэгтгэсэн дэвшилтэт технологийн цогц шийдэл. Уг үйлчилгээг Скайтел группын хөрөнгө оруулалттай “Скай Си энд Си” компани нэвтрүүлнэ. Тун удахгүй буюу ирэх зургадугаар сард СКАЙМЕДИА үйлчилгээ айл өрх, хэрэглэгчдэд хүрч эхлэх юм.