Олон улсын буудлагын спортын холбооноос мэргэн буучдын чансааг гар бууны төрөлд шинэчлэн гаргажээ. Спорт гар бууны төрөлд олимпийн мөнгөн медальт, хөдөлмөрийн баатар, гавьяат тамирчин О.Гүндэгмаа дэлхийн чансаагаар наймдугаар байрт бичигдсэн байна. Харин олон улсын хэмжээний мастер Ц.Мөнхзулын хувьд 335 оноогоор 20 дугаар байрт жагсч байна.

Эмэгтэй спорт гар бууны төрөлд эхний наймд жагссан тамирчдыг танилцуулж байна

   1. Ленка Марускова /Чех/ – 2445 оноо
   2. Чень Ин /БНХАУ/ – 1981
   3. Жинь Юань /БНХАУ/ – 1797
   4. Кира Климова /ОХУ/ – 1503
   5. Мария Гроздева /Болгар/ – 1329
   6. Олена Костевич /Украйн/ – 1318
   7. Нино Салуквазе /Гүрж/ – 1249
   8. О.Гүндэгмаа /Монгол/ – 1155

Дашрамд сонирхуулахад, Английн Лондон хотод болж буй дэлхийн цомын тэмцээний спорт гар бууны 25 метрийн дасгалд О.Гүндэгмаа 13 дугаар байр эзэлсэн байна. Энэ төрөлд Солонгосын мэргэн бууч Ким Жан Ми тэргүүлжээ. Олимпийн хошой хүрэл медальт, гавьяат тамирчин Д.Мөнхбаяр дөрөвдүгээр байр эзэллээ.