Монгол, Чехийн Засгийн газар хоорондын хамтарсан комиссын ээлжит дөрөвдүгээр хуралдаан энэ сарын 24-25-нд Улаанбаатар хотноо болж байгаа билээ. Энэ хүрээнд Монгол-Чехийн Засгийн газар хоорондын Хамтарсан комиссын дөрөвдүгээр хуралдааны Протоколд гарын үсэг зурах ёслолын ажиллагаа өнөөдөр 16.00 цагт ГХЯ-ны  “Мутрын түшээ” танхимд  болно.

Засгийн газар хоорондын хамтарсан комиссын Монголын хэсгийн даргаар Зам, тээвэр, барилга, хот байгуулалтын сайд Ц.Дашдорж, Чехийн хэсгийн даргаар Чехийн Үйлдвэр, худалдааны дэд сайд М.Ховорка нар ажилладаг аж.

Чехийн Үйлдвэр, худалдааны дэд сайд М.Ховоркаг дагалдан чехийн 40 гаруй бизнесийн төлөөлөгчид ирсэн бөгөөд хуралдааны үеэр “Монгол, Чехийн Бизнес форум” зохион байгуулж байгаа юм.