Аймгийн Засаг дарга Ж.Батсуурь тав дахь жилдээ Баруун-Урт сумын иргэдтэй “BBS” телевизээр шууд  ярилцлага хийлээ. Иргэд аймгийн засаг даргаас Баруун-Урт сумын  тохижилт бүтээн байгуулалттай холбогдуулан хийж буй  газар чөлөөлөлт, жижиг дунд үйлдвэрийг хөгжүүлэх сангийн зээл олголт, уул уурхайн асуудал түүн дотор Төмөртийн овооны баяжуулах үйлдвэрт ажиллаж байгаа монгол ажилчдын  цалин хөлс,  хөдөлмөр хамгаалал гээд  олон асуудлыг  хөндөж тодорхой хариулт авсан байна.

Аймгийн Засаг даргын тамгын газраас орон нутгийн телевизээр хийсэн уул ярилцлагыг эмхэтгэж товхимол болгож хэвлүүлэн нийтийн хүртээл болгохоор бэлтгэж байна.