Канад улсын Гранд Чаленжис байгууллагаас нийгмийн эрүүл мэндийн тулгамдсан асуудлыг шийдвэрлэхэд зориулан олон улсын эрдэмтэн, судлаачдад тэтгэлэг олгодог уламжлалтай. Энэ жилийн тэтгэлэгт уралдаанд Хүний их эмч, доктор Б.Пүрэвдорж уул уурхайн олборлолт, хайгуулын ажил хамгийн ихээр явж буй өмнөд говийн ундны усанд агуулагдах хорт бодис хүнцэлийн хэмжээг судлах төслөөр тус шалгаруулалтад өрсөлдөж байна. Хамгийн эхэнд судлах ёстой металл бол хүнцэл гэнэ. Учир нь хүнцэл гэх уг бодис олон төрлийн хавдар, зүрх судасны эмгэгүүд, чихрийн шижин болон мэдрэлийн тогтолцооны эмгэгүүдийг үүсгэдэг аюултай.

Мөн өмнөд говьтой хиллэн орших Өвөрмонголын гүний усны хүнцэлийн агууламж хамгийн их хэмжээтэй буюу зөвшөөрөгдөх хэмжээнээс 100 дахин их байгаа нь тогтоогдсон байна.