Туркийн өвлийн спортын хот Эрзурумд болсон шайбтай хоккейн гуравдугаар дивизоны ДАШТ-ээс Монголын шигшээ баг оноо авч чадсангүй. Манайхан сүүлчийн тоглолтод адилхан оноогүй явсан Грект 1:4-оор хожигдсоноор ангилалдаа сүүл мушгилаа. Нэр төрийн шайбыг “Отгон од” багийн хамгаалагч Г.Тамир 38:16 дахь минутад хийсэн байна.

Хоёр сар гаруйн турш мөсөн дээр гараагүй монголчууд БНАСАУ-д 2:12, Туркт 0:10, Люксембургт 1:5, Ирландад 4:8-аар дийлдээд байсан билээ. Гуравдугаар дивизоны ДАШТ-ийг 15 оноотой удаалсан БНАСАУ ирэх жил хоёрдугаар дивизонд дэвшин тоглох болов. Харин ес, зургаа, гурван оноотой Люксенбург, Ирланд, Грек болон Монголын баг ангилалдаа үлдлээ.