Монгол Улсын Ерөнхийлөгчийн “Морин хуураа дээдлэн дэлгэрүүлэх тухай” зарлигийг хэрэгжүүлэх ажлын хүрээнд Морин хуурын олон улсын III наадам- симпозиумыг /Эрдэм шинжилгээний хурал/ энэ сарын 29-нөөс ирэх тавдугаар сарын 2-ны өдрүүдэд Улаанбаатар хотноо зохион байгуулах гэж байна. Тус наадамд Монгол Улсын морин хуурчдаас гадна Япон, ОХУ, БНХАУ, АНУ, БНСУ, Герман, Францын 200 гаруй морин хуур суралцагч, сонирхогч, эрдэмтэн судлаачид оролцохоор саналаа ирүүлжээ. 

“Морин хуурын олон улсын III наадам-симпозиум”-ын хүрээнд дараах тоглолтууд болно.

• Дөрөвдүгээр сарын 29-нд 16.00 цагт Наадмын нээлт, Хуур урлаачдын үзэсгэлэн, Соёлын төв өргөөнд.

• Дөрөвдүгээр сарын 30-нд Гадаадын морин хуурчдын тоглолт, Улсын филармонид болох.

• Тавдугаар сарын 1-нд Монголын морин хуур сонирхогчдын тоглолт, Улсын филармонид болно.

• Тавдугаар сарын 1-нд 19.00 цагт “Хууртай үдэш” тоглолт

• Тавдугаар сарын 2-нд Эрдэм шинжилгээний бага хурал

• Тавдугаар сарын 2-нд 16.00 цагт наадмын хаалт, Соёлын төв өргөөнд болох

• Тавдугаар сарын 3-нд Мастер класс тус тус болно.