БНСУ-ын нийслэл Сөүл хотноо дөрөвдүгээр сарын 27-нд тоглолтоо хийхээр төлөвлөөд буй дуучин Lady Gaga өнгөрөгч баасан гаригт Сөүл хотноо хүрэлцэн очжээ. Тэрбээр Кимпогийн олон улсын нисэх буудалд хувийн онгоцоор очсон байна. Өвөрмөц сонин стиль, хувцаслалтаар үргэлж олны анхаарлын төвд байдаг дуучин бүсгүй энэ удаад ч солонгос фенүүддээ зориулж, жирийн бус гоёл сонгожээ.

Lady Gaga өмнө нь цомгийн сурталчилгааны ажлаар 2009 онд Өмнөд Солонгост очиж байсан юм. Харин энэ удаад Сөүл хотын Чамшил дахь цэнгэлдэх хүрээлэнд “The Born This Way Ball Global Tour” тоглолтоо хийх ажээ. Энэ нь түүний энэ онд хийж буй анхны аялан тоглолт бөгөөд тасалбарын үнэ 55-125 ам.доллар юм байна.