Нийтийн тээврийн газар болон үйлчилгээ эрхлэгч аж ахуйн нэгж байгууллагуудын ажилтнууд өчигдөр нийслэл даяар өрнөсөн их цэвэрлэгээнд идэвхтэй оролцсон байна. Цэвэрлэгээнд нийт 462 хүн оролцож, 690 автобусны дээвэр, гадна дотор талын цэвэрлэгээ хийж, үйлчилгээнд гаргасан бөгөөд орчин тойрны 76304 метр.кв талбайг цэвэрлэж 2472 шуудай хог ачуулсан байна. Ажилчид автобуснуудаа угааж, суудлын бүрээснүүдийг сольж, гараж, талбай зэрэг орчин тойрондоо их цэвэрлэгээ хийжээ.

Түүнчлэн урин дулаан цаг ирсэн тул нийтийн тээврийн үйлчилгээний автобусны өнгө үзэмжийг сайжруулан, иргэд ая тухтай зорчих нөхцөлийг бүрдүүлэхэд тавьдаг хяналтыг эрчимжүүлж байгаа гэнэ.