Байгаль орчны чиглэлээр үйл ажиллагаа явуулж буй төрийн бус байгууллагууд Монгол Улсад атомын цахилгаан станц байгуулахыг эсэргүүцэн "Цөмийн аюулгүй Монгол орны төлөө" хөдөлгөөнүүд энэ сарын 26-нд "Бүү март-бүү давт" жагсаалыг зохион байгуулах аж.

"Монголын байгаль орчин" ТББ-ын тэргүүн Ж.Батболд "Ураны нийт 110 гаруй лиценз байна. Хэнтий, Дорнод зэрэг аймгуудад ураны хайгуулын ажлыг эхлүүлээд байна. Ирэх пүрэв гарагт энэ тухай тодорхой мэдээлэхээс гадна үүний цаана ямар албан тушаалтан байгааг тодорхой танилцуулна" гэв.