Холливудын хамгийн сэтгэл татам шаргал үст бүсгүйчүүдийн нэг Камерон Диас одоо болтол ганц бие хэвээр байгаа билээ. Тамирчин Алекс Родригесээс салсны дараа аз жаргалаа хайн бэдэрч яваа тэрбээр өөрийг нь хамгийн ихээр баярлуулах санаагаа олж авчээ. Тэрбээр хүүхэд өргөж авахаар шийдсэн байна. Саяхан телевизэд өгсөн ярилцлагадаа “Би одоо 39 настай. Гэхдээ би хэзээ ч “Би хүүхэдтэй болохыг хүсэхгүй байна” гэж хэлж байгаагүй. Гэсэн ч одоо болтол хүүхэдтэй болоогүй л байна. Магадгүй би хүүхэд өргөж авч ч болох юм” хэмээжээ.