Мэдээллийн технологийн хөгжлийн эрин үед дэлхийн өнцөг бүрт үндэсний хэмжээний бизнесийн томоохон корпорацаас эхлээд энгийн хэрэглэгчдийн хүрээнд өдөр тутмын үйл ажиллагаагаа мэдээлэл, харилцаа, холбооны технологийн /ICT/-ийн шийдэл, хэрэглээгүйгээр төсөөлөх боломж нэгэнт үгүй болжээ.

21-р зууны хөгжлийн хөтлөгч гол хүчин болж буй мэдээллийн технологийн нээлт, шинэ шийдлүүд нь хязгааргүй боломжийг бий болгоод зогсохгүй бидний хүрээлэн буй орчинд аюулгүй, хэмнэлттэй хэрэглээнд татан оруулах болсон.

Түүнчлэн жижиг дунд үйлдвэрлэл эрхлэгчдэд зориулсан мэдээллийн технологийн шийдэл, интернэтэд суурилсан бизнес /e-commerce/ нь улс орны эдийн засгийн өсөлтөд эзлэх хэмжээгээр өдрөөс өдөрт өсөн нэмэгдсээр байгаа нь бизнес-интернэт-хэрэглэгч гэх хандлагад чиглэсэн бизнесийн хязгааргүй орон зайг бий болгож байна.

МҮХАҮТанхимаас мэдээлэл, харилцааны технологийн салбарын хөгжлийг олон нийтэд сурталчлах, шинэ үйлчилгээ шийдлийг бизнесийн салбарт нэвтрүүлэх боломжийг нээх, жижиг дунд үйлдвэрлэл эрхлэгчдэд зориулсан мэдээллийн технологийн олон талт шийдлийг танилцуулж санал болгох, түүнчлэн интернэт бизнесийг олон нийтэд сурталчлах зорилгоор “National ICT Expo Show 2012” Үзэсгэлэнг “ICT for Business, ICT for Citizen” уриан дор 2012 оны 4 сарын 19-21-ний өдрүүдэд зохион байгуулж байна. Уг арга хэмжээний ерөнхий ивээн тэтгэгчээр Skytel group оролцож ажиллаж байна.

·    Байгууллагын цогц шийдэл

·    Өрх гэрийн цогц шийдэл

·    Өндөр хурдны интернэтийн цогц шийдлийн хүрээнд өөрийн бүтээгдэхүүн, үйлчилгээгээр оролцож байна.

Үзэсгэлэнгийн ерөнхий ивээн тэтгэгчийн зүгээс National ICT Экспог сонирхохоор ирсэн ТА бүхний дунд хэн хурдан Мессэж нисгэх вэ уралдаан болон азтан шалгаруулах сугалааг ч явуулах болно. Мөн та Скайтелийн үзэсгэлэнгийн танхимаар зочилсоноор дараа төлбөрт хэрэглэгчид төлбөрөө төлж Мессэж үнэгүй анхны картыг худалдан авч Лондон 2012 олимп үзэх 2 азтаны нэг болоорой.

Та бүхэн үзэсгэлэнг өргөнөөр очиж сонирхож өөрийн байгууллага, өрх гэрт тохирсон УХААЛАГ шийдлийг цогцоор нь олж авч чадна гэдэгт итгэж байна.