“Айвехоу Майнз”-ын удирдлагыг гартаа авсан “Рио Тинто” групп Хятадын хөнгөн цагаан үйлдвэрлэгч “Чайналко” корпорацид хяналтын хувьцааг нь худалдсан “SouthGobi Resources Ltd” (SGQ.T) компанийн гэрээг эргэн харах болно гэж мэдэгдлээ. “Рио Тинто” группийн гүйцэтгэх захирал Том Албанез компанийн жил бүрийн ерөнхий зөвлөлгөөн дээр удирдлагын бүтцийг өөрчилснөөр “Рио Тинто” групп Оюутолгой төслийг хэрэгжүүлж буй “Айвенхоу Майнз” компанид оруулах хөрөнгө оруулах үндсэн зорилттой харшлахгүй гэж мэдэгдсэн байна. Энэ дөрөвдүгээр сарын эхээр Хятадын хөнгөн цагаан үйлдвэрлэгч корпораци “SouthGobi Resources Ltd” компанийн эзэмшлийн 60 хувийг 900-аад сая ам.доллараар  худалдан авах санал тавьсан юм.

“SouthGobi Resources Ltd”-ийн 57.6 хувийг эзэмшдэг “Айвенхоу Майнз” эзэмшлийн хувьцааг “Чайналко”-д 89 сая ам.доллараар худалдах гэрээ байгуулсан боловч Монголын Засгийн газар тус компанийн зарим лицензийг цуцлах шийдвэр гаргасан талаар “SouthGobi Resources” энэ  долоо хоногийн эхээр мэдэгдсэн юм. “SouthGobi Resources” нь Өмнөговийн Овооттолгойн нүүрсний ордод олборлолт явуулж байгаа билээ. “SouthGobi Resources”-ийн лицензийг цуцалсантай холбогдуулан “Рио Тинто” Монголын Засгийн газраас тайлбар хүсэх болно гэж Том Албанез мэдэгдсэн байна.

Оюутолгой төслийн 66 хувийг эзэмшдэг “Айвенхоу Майнз” компанид хяналтын 51 хувийн багцтай “Рио Тинто” хэдхэн хоногийн өмнө тус компанийн удирдлагыг гартаа авсан юм.