Баянзүрх дүүрэг Нийслэлийн Мэргэжлийн хяналтын газартай хамтран “Хоггүй дүүрэг, та бидний оролцоо” сэдэвт аян өрнүүлэхээр болсон байна.  Мэргэжлийн хяналтынхан хатуу хог хаягдлыг боловсруулах, тээвэрлэлт, цуглуулалтыг сайжруулах талаар тус дүүргийн тохижилт, үйлчилгээний ажилтнуудад сургалт зохион байгуулсан байна.

Хоёр сарын хугацаанд тус дүүрэг 28 хороогоо хоггүй болгохоор зорж буй гэнэ.  Учир нь Баянзүрх дүүрэгт ирэх сард хогны 10 машин шинээр ирэхээр болжээ. Ингэснээр тус дүүрэг айл өрхүүдээс 14 хоногт хогоо авдаг байсан бол долоо хоноод авах боломж бүрдэх аж.  Дээрх хороодын 21 нь гэр хороолол бөгөөд нийт 75 мянга гаруй өрхтэй аж.