Нийслэлийн Засаг даргын захирамжийн дагуу өнгөрсөн гуравдугаар сарын 20-ноос энэ сарын 20-ныг хүртэл нийслэлийн авто замаар зорчих ачааны автомашины хөдөлгөөнийг хязгаарласан.

Дээрх хязгаарлалт өнөөдөр дуусах байсан ч Замын цагдаагийн газраас нийтийн эзэмшлийн төв, орон нутгийн замаар тогтоосон стандартыг зөрчсөн ачааны автомашинтай жолооч нарыг хөдөлгөөнд оролцуулахгүй болжээ.

Мөн ирэх аравдугаар сарын 20-ноос арваннэгдүгээр сарын 20-ны хооронд буюу жилд хоёр удаа газар хөлдөх, гэсэх үеэр ачааны автомашины хөдөлгөөнийг хязгаарлахаар болсон байна.