Боловсрол, соёл, шинжлэх ухааны сайд, МУИС-ийн урилгаар 2008 оны физикийн салбарын Нобелийн шагналт Японы нэрт эрдэмтэн Тошихидэ Маскава Монголд айлчилж байна. МУИС-ийн дугуй танхимд маргааш буюу дөрөвдүгээр сарын 20-ны 10.00 цагт эрдэмтэн Тошихидэ Маскавад МУИС-ийн “Хүндэт доктор” цол гардуулах ёслолын үйл ажиллагаа болж, 11.00 цагт  Тошихидэ Маскава Монголын физикчдэд зориулсан “70-аад оны эгэл бөөмс замбараагүйдлээс загвар руу” сэдэвт лекц  унших гэнэ. Мөн 21-ний бямба гаригт Соёлын төв өргөөнд 15.00 цагт “СР тэгш хэмийн зөрчил юу өгүүлнэ вэ?” сэдэвт лекцийг үнэ төлбөргүй унших ажээ.

Дэлгэрэнгүй мэдээллийг 317050, 88010219 утсаар авна уу.