Японы Toshiba корпораци IBM-ийн (POS) системийг 850 сая ам.доллараар худалдан авах болсон тухай BBC мэдээлжээ.

POS систем нь борлуулагч банкаар дамжуулан гүйлгээ хийх, бүртгэл, худалдаа, худалдан авагч, хэрэглэгчийн мэдээлэлд анализ хийх зэрэгт ашиглагддаг аж.

Энэхүү наймааг хийснээр Toshiba дэлхийн хамгийн хүчирхэг POS системийн нийлүүлэгч болох юм.

Тус корпорацийн ерөнхийлөгч Norio Sasaki “Бид Япон төдийгүй Азидаа хүчирхэгжиж, өөрийн орон зайгаа эзэлж чадсан. Бид энэхүү амжилтаа Хойд Америк болон Европт бататгахыг хичээн ажиллаж байна” гэж мэдэгджээ.