Өнгөрсөн оны гадаад худалдааны тэнцэл 54 тэрбум ам.долларын алдагдалтай гарсан нь Япон улсад сүүлийн арван жилд байгаагүй өндөр үзүүлэлт болсон байна. Японы Сангийн Яамны мэдээлснээр өнгөрсөн  онд Япон улсын экспортын хэмжээ 2010 оныхоос 3,7 хувиар буурсан бөгөөд 65,28 их наяд иен буюу 802 тэрбум ам.долларын барааг экспортоор гаргасан гэжээ. Харин импортын хэмжээ 2011 онд 11,6 хувиар өсч, 69,69 их наяд иен буюу 857 тэрбум ам.доллар хүрсэн байна.

Дэлхийн эдийн засгийн хямралын дараа гадаад худалдааны тэнцэл ийм их алдагдалтай гарсан шалтгаан нь өнгөрсөн оны гуравдугаар сард болсон газар хөдлөлт болон цунами юм. Фукушимагийн АЦС-ын ослын дараа цахилгаан энергийн эрэлтээ нийлүүлэхийн тулд гаднаас түлш их хэмжээгээр худалдан авах шаардлагатай болсон ажээ. Ер нь Япон улсын эдийн засаг одоо таагүй үедээ байгаа юм. Иенийн ханш өндөр байгаа нь экспорт хийдэг томоохон компани болон корпорацийн үйл ажиллагаанд сөргөөр нөлөөлж байна.