Ардчиллын анхдагчдын нэг С.Зориг агсан сэрүүн тунгалаг байсан бол энэ жил 50 нас хүрэх байжээ. Жил бүрийн дөрөвдүгээр сарын 20-нд С.Зориг агсны төрсөн өдөр тохиодог. Энэ өдрийн 11.00 цагт С.Зориг агсны хөшөөнд цэцэг өргөх хүндэтгэлийн ёслол эхэлж, ах дүү хамаатан садангуудаас нь гадна ИЗНН, Ардчилсан намын удирдлагууд, мөн МоАХ-ны гишүүд дэмжигчид оролцож, хүндэтгэл үзүүлэхээр болоод байна.