Дорнод аймгийн Баян-Уул сумын орчим өчигдөр хээрийн түймэр гарч, тус сумаас 10 орчим км-ийн зайд байх Хархираа гэдэг газарт асч эхэлсэн түймэр салхины хүч их байснаас хурдан газар авч, хамрах хүрээ нэмэгдэн, сумын төвд ойртон ирсэн  аж. Аймгийн Онцгой байдлын хэлтсийн алба хаагчидтай сумын иргэд хамтран ажилласны үр дүнд түймрийг сумын төв рүү орохоос урьтаж бүрэн унтраасан байна.