Алкогольгүй ундаа үйлдвэрлэлтээр дэлхийд тэргүүлэгч Кока Кола компани Сингапурын Үндэсний их сургуулийн үүдэнд тэврэхээр ундаа гаргадаг автомат машин суурилуулжээ. Компаниас хэрэгжүүлж буй "Open Happiness" төслийн хүрээнд уг автомат машинуудыг суулгаж байгаа юм байна. Төслийн хүрээнд өмнө нь дэлхийн хэд, хэдэн хотод, тэр дундаа Москвад суурилуулаад байгаа юм байна. Компанийн бэлгэ тэмдэг болох улаан дэвсгэр дээр Кока кола гэж бичсэн уг машин дээр мөн "Hug Me" ("Намайг тэрвээч") хэмээн бичсэн байгаа аж. Ингээд тэвэрсэн хүнд ундаагаа гаргаж өгдөг ажээ. Зөвхөн ундаагаар ч тогтохгүй компанийн лого бүхий богино цамц, пиццагаар ч дайлдаг аж. 

Кокоа кола нь 1892 онд байгуулагдсан бөгөөд өнгөрсөн онд дэлхийн хамгийн үнэтэй брэндийн жагсаалтад гуравдугаарт эрэмбэлэгджээ. Брэндийн нэр нь одоогоор 34 тэрбум ам.доллараар үнэлэгдпээд байгаа юм. Харин "Open Happiness" төслийн хувьд 2009 оноос хэрэгжиж байгаа аж.