3,415.19
Иргэний хөдөлгөөний намын хүндэт ерөнхийлөгч, “Анод”-ын ТУЗ-ийн гишүүн Н.Даваа, Иргэний хөдөлгөөний намын дарга Б.Батсайхан, дэд дарга Р.Ууганбаяр, ерөнхий нарын бичгийн дарга Д.Сүхболд нар өнөөдөр хэвлэлийн бага хурал зохион байгууллаа. ИХ намын удирдлагууд “Н.Энхбаярыг баривчилсан явдалд нийгмийн зүгээс олон янзын байр суурь илэрхийлсээр байна. Гэтэл Ардчилсан нам яагаад байр сууриа илэрхийлэхгүй байгааг гайхаж байна. Үнэн хэрэгтээ монголд фашист дарангуйлал ноёлж байна. Үүнийг 2008 оны долдугаар сарын 1-ний болон МАХН-ын дарга Н.Энхбаярын баривчилгаа баталлаа” хэмээн Н.Энхбаярыг баривчилсан явдлыг буруушаасан юм.Хурлын үеэр иргэний хөдөлгөөний намын хүндэт ерөнхийлөгч Н.Даваагаас цөөн асуултад хариулт авлаа.
-Дэвшинэ. 1+47 гэсэн журмаар бид сонгуульд оролцоно.
-Үүнийг тодруулахгүй юу?
-Нэг гэдэг нь би. Харин 47 гэдэг нь эмэгтэйчүүд байх юм. Бид нийт 47 эмэгтэйг дэмжин, сонгуульд хамт оролцоно гэсэн үг. Энэ эмэгтэйчүүд аль намынх ч байж болно. Хамаагүй. Хамгийн чухал нь чадвартай, мэдлэгтэй, иргэдийн төлөө тууштай зүтгэж чадах, хүсэл эрмэлзлэлтэй байх юм бол бид хамтрахад бэлэн байна.
-Та өмнө нь гурван ч удаа баривчлагдаж байсан. Нэр дэвшихэд тань харшлахгүй юу?
-Тийм ээ. Намайг гурван ч удаа баривчилсан. Намайг яах гэж, юуны төлөө баривилсныг би мэддэггүй юм. Миний эрх чөлөөнд үнэхээр бүдүүлгээр халдсан. Гэхдээ сонгуульд нэр дэвшихэд харшлах зүйл огтхон ч байхгүй.
