Өнгөрсөн амралтын өдрүүдэд Филиппиний Пуэрто-Принцеса хотод мотоциклийн бартаат замын Азийн АШТ-ий нэгдүгээр шатны уралдаан боллоо. Тус тэмцээнд манай улсаас “Алтай констракшн” компани, ЗЦГ-ын хамгаалалтын тасгийн тамирчин, ОУХМ Э.Халиунболд, “Шунхлай” групп, нийслэлийн нэгдүгээр дунд сургуулийн тамирчин Х.Мөнхболор нар МАМСХ-ны ерөнхий нарийн бичгийн дарга Д.Очирсүхийн удирдлага дор оролцлоо. 85 сс ангилалд Х.Мөнхболор хоёр гарааны дараах байдлаар 30 оноогоор зургаа, 125 сс-д 2008 оны Азийн аварга Э.Халиунболд 36 оноогоор дөрөвдүгээр байр эзэлсэн байна. Энэхүү ангилалд өнгөрсөн жилийн Азийн аварга, Тайландын Турбо түрүүлж, түүний нутаг нэгт Пенпон, Японы Сүзүки нар удаалжээ.