Их Британид жил бүр болдог Брайтоны марафон өнгөрөгч амралтын өдөр боллоо. Олон улсын хөнгөн атлетикийн холбоо /IAAF/-ны “Хүрэл зам” ангилалд багтах тус уралдаанд энэ жил 18 мянга гаруй гүйгч оролцсоноос Монгол Улсын Гавьяат тамирчин Б.Сэр-Од дөрөвдүгээр байрт шалгарсан байна. Олимпийн нийслэл Лондонд олимпийн бэлтгэлээ базааж буй манай тамирчин 2:13:01 цагийн амжилтаар дөрөвдүгээр байрт шалгарчээ. Их Британид нэр хүнд, чанар чансаагаар топ 12 уралдааны нэгт багтах Брайтоны марафонд Кенийн гурван тамирчин медалийн тавцанд гарсан байна. Түрүүлсэн тамирчин Петер Соме 2:12:03 цагийн амжилт үзүүлжээ.