Техник технологийн хөгжил цаг минутаар хувьсан өөрчлөгдөж байна. Технологийн хөгжлийн нэгэн хэлбэр нь instagram аппликэйшн юм. Тус апп-ыг “Facebook” корпораци худалдан авснаар цар хүрээ нь улам өргөжин тэлж байна.

iPhone, iPad хэрэглэгчдийн зураг авдаг энэхүү апп-ыг өдгөө барууны болон Азийн дуучид, хамтлагууд өргөн дэлгэр ашиглаж байна. Төрийн соёрхолт дуучин Д.Болд Монголын хамтлаг, дуучдаас анх удаа ашиглаж эхэллээ гэж хэлэхэд буруудахгүй байх. Тэрбээр өөрийн instagram-даа 306 зураг оруулаад байгаа бөгөөд одоогоор 428 дагагчтай болжээ. Тэрбээр өглөө босоод хийдэг бэлтгэл сургуулилтаасаа өгсүүлээд, өдөр тутам хийдэг ажлынхаа талаар алхам тутамдаа инстаграмдаж байгаа аж. Иймээс тэрбээр фенүүддээ өөрийн instagram-ыг дагаж follow хийхийг уриалжээ. Түүнийг дагаснаар Д.Болдын фенүүд түүнийг хаана юу хийж явааг цаг, минутгүй мэдэх боломжтой болж байгаа юм. Дуучин Д.Болдыг @bolddorjsuren нэрээр дагаарай.