Хэнтий аймгийн ИТХ-ын VIII хуралдаан өнгөрсөн долоо хоногт  болж, аймгийн ИТХ-ын сонгуулийн тойргийн дугаар, нутаг дэвсгэр, төв, тойрог бүрт ногдох аймгийн ИТХ-ын төлөөлөгчдийн мандатын тоо, энэ онд ахуйн зориулалтаар агнах, барих агнуурын амьтны тоо хэмжээний дээд хязгаарыг батлав. Хурлын хэлэлцэх асуудал товч тодорхой учраас хуралдаан ердөө нэг цагийн хугацаанд болж өндөрлөв.

Өмнөх сонгуулийн үед Хэнтий аймаг 21 тойрог, 31 мандаттай байсан бол энэ удаад Дархан сумаас Бор-Өндөр сум салж байгуулагдсантай холбоотойгоор 22 тойрог, 31 мандаттай болж, тойргийн тоо нэгээр нэмэгдлээ.