ИТАР-ТАСС агентлаг Монголын Ерөнхийлөгч асан Н.Энхбаярыг баасан гаригийн шөнө баривчилсан талаар мэдээлэхдээ энэ нь түүний УИХ-ын сонгуулийн дараа 2008 оны долдугаар сарын 1-нд болсон үймээний тухай  материалыг дэлгэсэнтэй холбоотой байж магадгүй хэмээжээ.

Тэд мөн мэдээлэлдээ 2008 оны их хурлын сонгуулийн дүн болоод долдугаар сарын нэгэнд МАХН-ын байрны гадна болсон үймээний талаар болон эвслийн Засгийн газар байгуулж байсан МАН болон Ардчилсан Намын хооронд одоо хүртэл  үл ойлголцол байгаа тухай тэмдэглэсэн байна.
 
Түүнчлэн www.lenta.ru сайт Ерөнхийлөгч асан Н.Энхбаярыг баривчилсан талаар мэдээлэхдээ “Н.Энхбаярыг Улаанбаатар хотод байдаг аавынхаа гэрт орох гэж явахад нь тусгай ангийнхан баривчлах оролдлого хийлээ” гэжээ.