Монголын сэтгүүлчдийн эвлэлээс өнөөдөр мэдэгдэл гаргажээ. Мэдэгдэлд “Монголын сэтгүүлчдийн эвлэл аливаа үйл явдлын үед хэвлэл, мэдээллийн байгууллага, сэтгүүлчдийг мэргэжлийн үйл ажиллагаагаа явуулахад нь ямар нэг хэлбэрээр саад учруулах, дарамт шахалт үзүүлэх, хэвлэн нийтлэх эрхэд халдах, олон нийтийн мэдэх эрхийг боогдуулах, хязгаарлах зэрэг хэвлэлийн эрх чөлөөнд харш ямарваа үйлдлийг үл тэвчинэ.

Эрх нь зөрчигдсөн хэвлэл, мэдээллийн ажилтан, сэтгүүлчдийнхээ эрхийг Монголын сэтгүүлчдийн эвлэл мэргэжлийн байгууллагын хувьд тууштай хамгаалж ажиллахаа мэдэгдэж байна” гэжээ.