“Хэрэглэгчийн эрхийн бодит нөхцөл байдал ба Хэрэглэгчийн эрхийг хамгаалах систем, орчин үеийн нийтлэг чиг хандлага” сэдэвт Олон улсын хурал ОХУ-ын нийслэл Москва хотноо өнгөрсөн өдрүүдэд зохион байгуулагдсан байна.

Тус хуралд ОХУ-ын Хэрэглэгчийн байгууллагын урилгаар Шударга өрсөлдөөн, хэрэглэгчийн төлөө газрын Орон тооны гишүүн С.Энхбаатар оролцож, албаны хүмүүстэй уулзалт ярилцлага хийсэн байна.  Хуралдаанд ОХУ-ын муж, тойрог, хотын төлөөлөгчид болон ЗХУ-ын бүрэлдэхүүнд багтаж байсан улсууд, олон улсын байгууллагын 342 зочид, төлөөлөгчид оролцсон байна. 

Мөн тус арга хэмжээнээс гадна ОХУ-ын Монополийн эсрэг байгууллагын орлогч дарга А.Н.Голомолизин, тус газрын Орон тооны гишүүн С.Энхбаатарыг хүлээн авч уулзсан бөгөөд  түүнд  Монгол Улсаас ОХУ-д суугаа ЭСЯ-ны Худалдаа, эдийн засгийн зөвлөх Д.Бадарч, 1-р нарийн бичгийн дарга А.Энхжав нар оролцжээ.

Уулзалтаар хоёр байгууллагын цаашдын хамтын ажиллагааг өргөжүүлэх, харилцан дэмжлэг үзүүлэх чиглэлээр санал солилцсон бөгөөд Хамтран ажиллах санамж бичгийн төслийг харилцан тохиролцсон байна.