Хоёрхон хоногийн өмнө шатрын улсын аварга шалгаруулах тэмцээн өндөрлөж Б.Гүндаваа, Д.Янжиндулам нар тус тус гурав дахь удаагаа түрүүлсэн билээ. Тэгвэл энэхүү үйл явдалтай зэрэгцээд саяхан Халимаг Улсын Элстэй хотод болсон ФИДЕ-гийн ерөнхийлөгчийн зөвлөлийн хуралдаан болжээ. Энэхүү хурлаар манай шатарчин Ц.Батчулуунд их мастер, А.Энхтуулд эмэгтэй олон улсын мастер цол тус тус олгосон гэх баяртай мэдээ дуулдлаа. Үүний дагуу удахгүй дээрх хоёр шатарчинд цол, зэргийг гардуулан өгөх ажээ.