Монгол Улсын гавьяат жүжигчин, дуучин Самандын Жавхланг гайгүй сайн дуучин гэдгийг хүмүүс мэднэ дээ. Гэхдээ дуучин залуу маань сүүлийн үед улстөрч болоод байгаа. Чингэлтэй дүүргийн нөхөн сонгуульд нэрээ сойж өвдөг шороодсоноосоо хойш нэг хэсэг нам гүм байснаа саях­наас өөрийн зөвлөх “Донж” төвийн тэргүүн Төгөлдөртэй хамтран хэвлэлийн хурал хий­гээд авсан. Тэрбээр энэ үеэр УИХ-ын 2012 оны сон­гуульд нэр дэвшихээ мэ­дэгдсэн. Үүний дараахан Увс аймгийн иргэд нутагт нь ашигт малтмалын олборлолт, хайгуул хийж байгаа “CGBEM” ХХК-ийн талаар гом­дол мэдүүлж хэвлэлийн ху­рал зарлаж, суулт хийж эхэлсэн. Самбаатай С.Жавх­лан тэр дор нь уг сэдвийг өлгөж аваад Увс аймгийн Бөхмөрөн суманд очиж суулт зарлав. Гэхдээ С.Жавхлангийн эсэргүүцлийн суулт их энгийн болсон бө­гөөд хугацааний хувьд 24 цаг үргэлжилсэн юм. Мон­гол Улсад болж байсан эсэр­гүүцлийн аливаа жагсаал үргэлжлэх хугацааны хувьд их сунжирдаг байсан. Харин С.Жавхлан энэ суултаараа сунжирсан жаг­саалын буухиаг таслав. Бас нэг зүйл байна. Үнэхээр С.Жавхлан ну­таг орондоо хайртай бол яагаад 24-хөн цаг суулт хийв гэдэг асуудал гарч ирнэ. Төрлөх нутгаа хайрлах хайр нь 24 цагаар хэмжигдлээ гэж үү. Эсвэл нутагтаа хайртай хүн болж шоудаж байгаа юм болов уу. Нутгийнханд нь С.Жавхлангийн дэмжлэг чу­хал байх нь мэдээж. Ядаж л асуудлыг шийдэгдтэл нут­гийн­хантайгаа хамт байсан бол С.Жавхлангийн нэр хүнд нэлээд өсөх л байсан даа. Гэ­тэл 24 цагийн хугацаатай суулт зарласан болоод болчихоор хүмүүс түүнийг юу гэх бол. Тэрбээр “Увс аймгийн Бөх­мөрөн сум бол миний тог­лож өссөн нутаг. Шороон дээр нь тоглож өссөн газар нутгийг минь харийнхан ухаж сэндийчиж дуусч бай­на. Тиймээс энэ асуудлыг цэглэхээр нутагтаа ирээд байна” гэж хэлж байсан ч түүнд асуудлыг шийдэх ямар боломж байгаа нь тун сонин. С.Жавхланд нэг бодол байгаа л байх. Гэхдээ ард түмэн бодитой ажил хийх хүнийг л дэмжинэ үү гэхээс 24 цаг шоудсан нөхрийг дэмжихгүй нь тодорхой.