Холливудын жүжигчин Анжелина Жоли продюсер Ридли Скоттын “Өмгөөлөгч” ("The Counselor")  кинонд шинэ дүр бүтээхээр гэрээ хийж байгаа гэнэ.

Зохиолч Кормак Маккартигийн бичсэн энэ кино зохиол нь нэгэн сайн өмгөөлөгч хэрхэн хар тамхины наймаачидтай холбоо сүлбээтэй болсон талаар өгүүлэх юм. Зохиолчийн бичсэн "No Country for Old Men",  "All the Pretty Horses" болон "The Road" номуудаар кино бүтээсэн ажээ. "The Road" номоороо Кормак Маккарти нь Пулитцеровскийн шагнал хүртсэн байна. Харин “Өмгөөлөгч” нь зохиолчийн анхны бичсэн кино зохиол юм.

Найруулагч Ридли Скотт өнгөрсөн нэгдүгээр сарын сүүлчээр “Өмгөөлөгч” киног найруулахаар шийдсэн  бөгөөд гол дүрийн жүжигчдээ сонгож эхлээд байгаа аж. Киноны гол дүр – өмгөөлөгчид жүжигчин Майкл Фассбендер тоглох бөгөөд Анжелина Жоли чухам ямар дүр бүтээх болсноо хараахан зарлаагүй байна.

Анжелина Жоли ойрын үед “Нойрсож буй гүнж” үлгэрийн кинонд тоглох бөгөөд киноны зураг авалт зургадугаар сараас Лондонд эхлэх гэнэ.