“Монгол үндэстний дууны их наадам”-ыг МҮОНРТ-ээс санаачлан хоёр дахь удаагаа өргөн цар хүрээтэйгээр зохион явуулж байна. Наадмын гуравдугаар шатны шалгаруулалт амжилттай болж, нийт 220 оролцогчоос 90 гаруй оролцогч шалгарч үлдсэн байна. Үүнээс Монгол ардын уртын дууны төрөлд 30 оролцогч, Монгол ардын богино дууны төрөлд 27 оролцогч, Нийтийн дууны төрөлд 55 оролцогч, Эстрадын дууны төрөлд 18 оролцогч үлдээд байгаа ажээ.

Наадмын дөрөвдүгээр шатны шалгаруулалт зургадугаар сарын 23, 24-нд болох юм байна. Тэнцсэн оролцогчид зургадугаар сарын 29-нд болох Гала тоглолтонд оролцох эрхээ авах юм. Ийнхүү гала тоглолтоос наадмын гран-пригийн эзэн тодрох ажээ.