Баянхонгор аймаг ашигт малтмалын лиценз хамгийн их олгогдсон аймгуудын нэг болжээ. 2011 оны байдлаар тус аймгийн нутаг  дэвсгэрт ашигт  малтмал ашиглах тусгай зөвшөөрлийг 60 орд газарт 36 аж ахуйн нэгж эзэмшиж байгаа  гэсэн мэдээ Баянхонгор аймгийн мэдээллийн портал сайтад  гарчээ. Эдгээрийн 55 нь алтны, дөрөв нь нүүрснийх бөгөөд барилгын материалын нэг орд байдаг аж. Мөн хайгуулын 181 тусгай зөвшөөрлийг 89 аж ахуйн нэгж эзэмшдэг гэсэн тооцоо байна.