Дуучин Рианна “Шиндлерийн бүртгэл” киноны дүрээр нэрд гарсан Холливудын жүжигчин Лиам Нилсонд дурласан гэнэ. Рианна өмнө нь рэппер Крис Браун, Канадын жүжигчин Дрэйк, бейсболын тамирчин Мэтт Кемп нартай учир ургуулж байсан. Гэвч Рианнагийн сонирхол өөрчлөгдсөн бололтой. Дуучин Рианна саяхан “Тэнгисийн тулаан” нэртэй шинэ киноны гол дүрд тоглосон юм. Шинэ киноны нээлтэд оролцохоор Сидней хотод очсон Рианна кинонд хамтран тоглосон жүжигчин Лиам Нилсонд дурласан тухайгаа ярьжээ. Кинонд хамтран тоглох болсны дараа жүжигчин эр хүүгийнхээ шүтэн биширдэг дуучинтай хамт зургаа авахуулахыг хүссэн аж. Харин Рианна “Надад ч бас нэгийг өгөөрэй” гэж хэлсэн гэнэ. Рианнагийн тоглосон “Тэнгисийн тулаан” нэртэй шинэ кино өнөөдөр олон орны кино театруудад нэгэн зэрэг нээлтээ хийх юм.