Р.Мугабе эдгэшгүй өвчин тусчээ

Хуучирсан мэдээ: 2012.04.10-нд нийтлэгдсэн

Р.Мугабе эдгэшгүй өвчин тусчээ

Зимбабве улсын Ерөнхийлөгч Роберт Мугабегийн амь нас хутганы ирэн дээр ирээд байгаа талаар Африкийн орнуудын хэвлэлд бичиж эхэллээ. “Хар тив”-ийн бараг бүх орны хэвлэлүүдийн өнөөдрийн дугаарт Сингапурт эмчлүүлж байгаа 88 настай Р.Мугабег цаашид удаан амьдрах найдваргүй болсон гэсэн мэдээлэл тавигджээ. Тэрбээр хорт хавдраар шаналж байгаа юм. Түүнийг ийм өвчин туссан талаар 2009 онд Wikileaks сайт анх удаа олон нийтэд дэлгэж байсан юм. Р.Мугабе 2009 оноос хойш Сингапурт байн байн зорчих болсны гол шалтгаан нь эрүүл мэндэд нь байжээ. Хэвлэлд бичсэнээр бол Р.Мугабегийн бие муудсанаас болж тэрбээр Засгийн газрын хамгийн сүүлчийн хуралдаанд оролцоогүй аж.   

Роберт Мугабе нь Зимбабвегийн төрийн эрхэнд 1988 оноос хойш сууж байгаа юм. Зимбабвечууд 2008 онд түүнийг сонгууль луйвардсан гэж буруутгасан. Олон удаагийн бослого тэмцлийн дүнд тэрбээр сөрөг хүчний лидер Морган Тсангвирайтай эрх мэдлээ хуваалцах гэрээ хийсэн ч дараа жил нь хэлэлцээр хүчингүй гэж мэдэгдсэн юм.

Х.Сайхан

WWW.MMINFO.MN

NewsMN Гар утасны хувилбар Татах
NEWS.mn

Мэдээллийн эх сурвалж