Хүнсний гол нэрийн барааны долоо хоногийг үнийн судалгаанд аймгийн төвүүдээс гурил, хонь, ямаа, үхрийн мах, цагаан будаа, шингэн сүү, элсэн чихрийн үнийг Үндэсний статистикийн  хороонооос судлан тайлан гаргадаг билээ.

Нэгдүгээр зэргийн гурилын үнэ Баян-Өлгий аймагт 40 төгрөгөөр өссөн бол, Говьсүмбэр аймагт 50 төгрөгөөр буурсан байна. Хонины мах Архангай, Баянхонгор, Булган, Дорнод, Өвөрхангай, Сүхбаатар, Ховд, Дархан-Уул аймагт 20-700 төгрөгөөр өссөн бол, Увс, Орхон аймагт 300-500 төгрөгөөр буурчээ. Хонины махны үнэ 5500-7100 төгрөгийн хооронд худалдаалагдаж байна.

Дарханд 7100 төгрөг /хонины мах/ байгаа нь хамгийн өндөр үнэ юм. Үхрийн махны үнэ өмнөх долоо хоногынхоос Архангай, Баян-Өлгий, Дорнод,Сүхбаатар, Төв, Ховд, Хэнтий, Дархан-Уул аймагт 300-500 төгрөгөөр өссөн бол, Орхон аймагт 200 төгрөгөөр буурсан байна. Үхрийн махны үнэ Өвөрхангай, Төв аймагт 8000 төгрөг буюу хамгийн өндөр үнэтэй байна.