Хүүхдүүд саналаа төрд хүргүүллээ | News.MN

Хүүхдүүд саналаа төрд хүргүүллээ

Хуучирсан мэдээ: 2010.05.06-нд нийтлэгдсэн

Хүүхдүүд саналаа төрд хүргүүллээ

Монгол Улсад Хүүхдийн байгууллага үүсч, хөгжсөний 85 жилийн ой, Хүүхдийн төлөө нийгмийн хариуцлагын жилийн хүрээнд нийслэлийн хүүхдүүд өөрсдийнхөө ордонд чууллаа.
Сурагч багачууд шийдвэр гаргах төвшнийхнийг урин 1:1 уулзалт хийх, дүүрэг тус бүрээр хүүхдийн чуулган зохион байгуулах, цэнгээнт, танин мэдэхүйн “Дэвжээ” наадамд 45 сургуулийн 450 хүүхдийг оролцуулах зэргээр ойн арга хэмжээнийхээ хүрээн олон ажил хийснээ дүгнэн ийнхүү нэгдсэн чуулган зохион байгуулж байгаа аж. Чуулганы зорилгоо тэд “Дүүрэгт шийдвэрлэж чадахгүй байгаа болон бодлогын томоохон асуудлуудыг шийдвэр гаргагчдад хүргэх, арга зам, гарцыг олж шийдвэрлэх” хэмээн тодорхойлсон байна. 
Хүүхдүүд төрийн удирдлагуудад орон нутагт хүүхдийн бие даасан байгууллага, бүтэц бий болгох, хүүхэд хамгааллын үйлчилгээнд төсөв мөнгө хуваарилах, хүүхэдтэй холбоотой статистик дүн мэдээний чанар хүртээмжийг сайжруулах, тусгай халамж хамгаалал шаардсан хөгжлийн бэрхшээлтэй хүүхдүүдэд зориулсан цогцолбор байгуулах, тусгай сургалттай зургаан сургуулийн сурагчдыг хичээлдээ ирж буцахад нь үйлчилдэг унаатай болгох, тусгай сургуулиудын ахлах ангид суралцаж буй 1500 хүүхдийг үдийн цай хөтөлбөрт хамруулах, гэрээрэл хөгжлийн төвийн хүүхдүүдийг мөн үдийн цайтай болгох, ногоон бүсийн зусланд амрах хүүхдийн тоогоор хувьсах зардал олгох, дүүрэг бүрт “Хүүхдийн хөгжлийн ордон” байгуулах зэрэг есөн зүйл бүхий санал хүргүүлж байгаа юм.
Нийслэлийн Засаг даргын нийгмийн асуудал хариуцсан орлогч, Нийслэлийн хүүхдийн төлөө зөвлөлийн дарга Ц.Цогзолмаа чуулганыг нээж хэлсэн үгэндээ “Хүүхдийн байгууллагын хүрч байгаа 85 нас гэдэг бол азай буурал гэсэн үг. Энд өөрсдөдөө болон өрөөл бусдад, найз нөхдөдөө тулгараад буй бэрхшээлээ, шийдвэрлэх шаардлагатай асуудлаа хэлэлцэхээр ирсэн та бүхний өвөө эмээ, аав ээж ч энэ байгууллагын гишүүн нь байж, эгнээнд нь жигдэрч явсан. Бүх дүүргийн хүүхдийн чуулган дээр хүүхдүүдийн тавьж хэлэлцүүлсэн илтгэлийг үзэж, судаллаа. Бидэнд шийдвэрлэх олон асуудал байна. Бусдад дуулгах үг ч цөөнгүй бий” хэмээн онцлоод, чуулганд оролцож буй хүүхдүүдэд амжилт хүсч, баяр хүргэлээ. 

Л.ХАЛИУ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2010-05-06 180.235.166.158

Хүүхдүүд гол эмэгтэй яагаад маш айшигтайгаар амь насаа хөнөөлгөж бнаа Ард түмээн энэ айхтар хэргүүдийг сонсоод л сууж бх уу Ийм аймшигт оронд хүүхдүүд өсөж хүмүүжиж бна гэхэд үнэхээр хүнд бнаа Одоо багш нар цалингаа л нэмэхээс сургах хүмүүжүүлэх ямар ч ажил хийхгүй байсаар л 9 сарыг өнгөрөөгөөд амралтандаа явах нь Хариуцлага тооцоочээ Ер-лөгч Ер хий сайдаа энэ бага насны хүүхдээ хамгаалаачээ багш нараа Хүүхдүүдтэйгээ эвтэй дотно харьцаачээ БЯ-аа одоо багш нар хүүхдээд хэрхэн сургаж хүмүүжүүлж бгааг дүгнээчээ

Avatar

Зочин 2010-05-06 202.170.67.7

Huuhduudiig hamgiin ih daramtaldag Ene daramt 1tur zasgiin zugees 2bagshiin zugees 3etseg ehiin zugees
Uchir ni huuhed ruu chilesen darant hamgiin undur huvitaigaar zorilgodoo hurdeg Tednii nasand hureegui baidal ene bolomgiig olgodog
Ene bugdiin deerees manai tur ch nasand hursen humuus bid ch udur bur nen hund nuhtsuld baigaa huuhduudiin dergeduur heev neg alhaj ungurdug

Avatar

äîðæ 2010-05-06 203.169.55.226

êîììóíèçì ñýðãýý þó

NewsMN Гар утасны хувилбар Татах
NEWS.mn

Мэдээллийн эх сурвалж