Герман энэ жил авлигийн улмаас 250 тэрбум еврогийн хохирол амсана гэсэн тооцоог нэрт эдийн засагч, Австрийн Линцийн Иоганн Кеплерийн их сургуулийн профессор  Фридрих Шнайдер (Friedrich Schneider) гаргасныг “Die Welt” сонинд өгүүлжээ. Үүний өмнө 2005 онд хийсэн судалгаандаа тэрбээр Герман авлигаас болж 220 тэрбум еврогийн хохирол амсана гэсэн дүгнэлт хийж байсан юм.
Эдийн засагчийн үзэж буйгаар тендерийн захиалга авахын тулд компаниуд ихээхэн авлига өгдөг гэнэ. Авлига нь төрийн албан хаагчид ба томоохон үйлдвэрийн ажилтнуудын дунд их байгаа нь эдийн засгийн хямралтай холбоотой гэнэ. Хатуу шийтгэл оноох эсвэл цалин хөлсийг нь нэмэх гэсэн хоёр аргаар авлигатай тэмцэж болно гэж Шнайдер зөвлөв.  “Transparency International” байгууллагын авлигын индекс дээр тулгуурлан тэрээр судалгаагаа хийжээ. “Transparency International”-ын авлигын энэ индекст Герман 14-т бичигдээд байгаа юм.