“Танго”, “Би нислээ”, “Hi Ladies” зэрэг бие даасан уран бүтээлээ гаргаад буй дуучин Ука тун удахгүй баяраа тэмдэглэх гэнэ. Тэрбээр анхны бие даасан “I’m in love” цомгийн баяраа энэ сарын 13-нд “Hi-Fi Mega Store”-т хийхээр болжээ. Цомгийн баярын үеэр Ука шүтэн бишрэгчидтэйгээ хамт зургаа авахуулж, гарын үсгээ өгөх юм гэсэн.

Тэрбээр анхны цомгийн баярын дараагаа бие даасан тоглолтын бэлтгэлдээ орох төдийгүй сар бүр түүний шинэ клип үзэгчдийг баясгах юм гэсэн шүү. Ука хамтлагийнхаа шинэ цомог, өөрийн бие даасан уран бүтээл гээд л завгүй ажиллаж байгаа сурагтай.