Монголд бас нэг шинэ телевиз нээлтээ хийх гэж байна. Нэр нь MNC буюу Mongolian news channel. Нэгэн цагт монголын үндэсний телевизэд сурвалжлагчаас нь эхлээд Радио телевизийн хэрэг эрхлэх газрын даргын албыг хүртэл хашиж явсан ММ-ийн гэгдэх Ц.Мөнхтөр уг телевизийг байгуулжээ. Улс төр, нийгэм, эдийн засгийн ярилцлага шууд нэвтрүүлгүүдийг олон жил хөтөлсөн, Орос, Америкт сэтгүүл зүйгээр боловсорсон сэтгүүлчид дундаа чамгүй өндөр мэдлэг боловсролтой хэмээн хүлээн зөвшөөрөгддөг тэрбээр телевизээ мэргэжлийн хэмжээний мэдээ мэдээллийн шинэ өнгө төрх бүхий байлгахад анхаарч ажиллаж буй юм байна.

Хамгийн сүүлийн үеийн FULL HD форматыг сонгож, туршилтын журмаар хоёр сар гаруйн хугацаанд эфирээ амжилттай цацсан Ц.Мөнхтөр захирал ирэх лхагва гаригт  100 гаруй зочдын хүрээнд телевизийнхээ нээлтийг хийхээр амьсгаа өндөртэй яваа сурагтай.