Монголын морин спорт, уяачдын холбоо /ММСУХ/-ноос улс орон даяар зохион байгуулж байгаа “Монгол уяач -3000” зөвлөгөөн Сүхбаатар аймагт боллоо. Хурдан морины уралдаан нь монгол үндэстний өв соёл юм. Энэ үүднээс хурдан морины уралдааны онцлог, дэг соёл, ёс заншил, хувцас, эдлэл хэрэглэлийг нь сэргээн хөгжүүлж сурталчлан таниулан хойч үедээ өвлүүлэх зорилгоор ММСУХ-ноос энэ оныг “Уяачдын ёс зүйн жил” болгож зарлажээ. Сүхбаатар аймгийн Засаг дарга Ж.Батсуурь бага насандаа долоон жил дараалан сумын наадамд хурдан морь унаж байснаа, аймагт уяачдын холбоог анх­лан байгуулалцаж, уяа­ч­­дын анхдугаар их хуралд аймгаасаа төлөө­лөгч­өөр орол­цож байснаа дурсч, уяа­чид та бүхэн өмнөө тулгарч буй асуудлаа харилцан ярилцаж нэгт­гээд, мөн нийслэл хо­тын ойролцоох “Өлзийт” хороолол шиг уяач­дын тийм хороолол байгуу­ла­хаар шийдвэл гүний худаг гаргах, гэрэл цахилгаан татахад төрийн зүгээс дэмжлэг үзүүлж болохоо амла­лаа. Мөн тэрбээр Баруун-Уртын гэр хорооллын хашаа болгон адуу тэжээж, хэвтэр, өвс тэжээлийн хогоо хаа хамаагүй хаях зохисгүй үйлдэл гаргаж байгааг уяачдад сануулав.УИХ-ын гишүүн, аймгийн алдарт уяач Р.Буд “Монголчуудын хурдан морь уяж уралдуулдаг явдал лавтай хоёр мянга орчим жилийн түүхтэй юм билээ” гээд Сүхбаатар аймгийн хур­дан морины түүхийг бичиж хойч үедээ өвлүүлэх хэрэгтэй байгааг сануулж, уяачдын арга барилыг болон өвөлжин тэжээсэн адуу удаан уралдах­гүй байгааг шинж­лэх ухаа­ны үүднээс судалж тогтоох нь чухал байна. Өвөг дээдэс маань дан бэл­чээ­­­рээр уяж сой­­­сон морио на­сан туршид нь уралдуудаг бай­­жээ. Нут­гийн хурдан хүл­­гийг үнэ цэнэ­тэй болгох та­лаар ч төв, орон нутгийн холбоод анхааран ажиллаж байна. Тэдний гаргасан тооцоогоор сүүлийн хоёр, гурван жилд арван саяас дээш үнээр зарагдсан морьдыг тооцоход лавтай тэрбум төгрөгийн хөрөнгө оруулалт болж байна.Сүхбаатар аймаг байгуулагдсаны 70 жилийн ойн баяр наадам, зүүн бүсийн хурдтай хамт долдугаар сарын 28.29-ний өдөр Баруун-Уртад болохоор товлогдоод байна. Мөн Дарьгангын Алтан-Овооны их тахилга энэ зун болно. Зөвлөгөөний үеэр хурдан морины том, жижиг ямар ч уралдааныг орон нутагт зохион байгуулахдаа заавал аймаг, сумын Засаг даргаас зөвшөөрөл авдаг байх, унаач хүүх­дүүдэд хамгаалалтын хувцас малгай өмсгөдөг байх гээд олон асуудлыг нэг журманд оруулах талаар ярилцав.