Анод банкнаас хуурамч хувь­цаа гарган, 1200 гаруй хувьцаа эзэм­шигчийг хохироосон банкны за­хирлуудын хэргийг холбогдох хууль хяналтын байгууллагууд шал­гах ажиллагаа гурван жил үр­­гэл­жилж буй. Энэ хэргийн мөрдөн бай­­цаалтын ажил дуусч прокурорт ял­­лах дүгнэлт үйлдэхээр шалгаж бай­­гаа аж. Нийслэлийн Прокурорын газ­­рын орлогч дарга Ё.Сагсай “Про­курор ямартай ч хянаж байна. Чухам хэдэн хүн энэ хэрэгт буруутай вэ гэдгийг прокурор шийднэ. Тэднийг гэм буруутай юу гэдэг нь одоогоор шийдэгдээгүй байгаа уч­раас хариу хэлэх боломжгүй байна” гэлээ. Ирэх долоо хоногт тус банкны хэргийг прокурор хянаж үзээд яллах дүгнэлт үйлдэх аж. Нийт 20 гаруй холбогдогчтой 125 хавтас бүхий уг хэргийг прокурор өмнө нь хоёр ч удаа нэмэлт мөрдөн байцаалтад буцааж байсан юм. Хэргийн холбогдогч, “Анод”  банкын гүйцэтгэх захирал асан Л.Уламбаяр, ТУЗ-ийн дарга Н.Энхтөр, гишүүн Н.Даваа, Э.Гүр-Аранз нар ШШГЕГ-ын харьяа хорих 461 дүгээр ангид хоригдож байгаад батлан даалтад гарсан. Гэтэл ТУЗ-ийн гишүүн Н.Даваа УИХ-ын  сонгуульд нэр дэвшихээр болсон талаар мэдээлэл чих дэлсэв. Баттай эх сурвалжийн мэдээлснээр түүнийг ирэх УИХ-ын сонгуульд нийслэлийн Хан-Уул дүүргээс өрсөлдөх гэнэ. Хуулиар эрүүгийн хэрэгт нэр холбогдсон хуулийн этгээд УИХ-ын сонгуульд нэр дэвших боломжгүй байдаг аж. Гэхдээ одоохондоо хэн нь гэм буруутай нь тогтоогдоогүй байгаа учраас  иргэний эрх нь нээлт­тэй хэвээр байгаа юм байна.