Монголын үндэсний худалдаа аж үйлдвэрийн танхим мэдээллийн технологийн “National  ICT expo show 2012” үзэсгэлэнг дөрөвдүгээр сарын 19-21-ны өдрүүдэд зохион байгуулах гэж байна. Энэхүү үзэсгэлэнгийн ач холбогдлыг мэдээлэл, харилцааны технологийн хөгжлийг олон нийтэд сурталчлах, шинэ үйлчилгээ, шийдлийг бизнесийн салбарт нэвтрүүлэх боломжийг нээх, жижиг, дунд үйлдвэрлэл эрхлэгчдэд зориулсан мэдээллийн технологийн олон талт шийдлийг танилцуулж, санал болгох хэмээн зохион байгуулагчдын зүгээс онцолж байна. Түүнчлэн интернэт бизнесийг олон нийтэд сурталчлах давуу талтай ажээ.

Үзэсгэлэн “ICT for Business, ICT for Citizen” уран дор болох ба оролцогч байгууллагуудын бүтээгдэхүүн, үйлчилгээг сонирхуулахаас гадна “Виртуал үзэсгэлэн”-г нээн ажиллуулах гэнэ. Энэ нь үзэсгэлэнг биеэр ирж сонирхох боломжгүй аж ахуй, нэгж байгууллага, хүмүүс интернэтийн орчинд бүтээгдэхүүн, үйлчилгээг үзэж, танилцах боломжтой ажээ.

Оролцох байгууллагуудын чиглэлийн тухайд,

• Программ/техник хангамж үйлдвэрлэл
• Интернэт худалдаа
• Онлайн маркетинг
• Мобайл операторууд
• Банк, санхүүгийн байгууллагууд
• Интернетийн үйлчилгээ үзүүлэгчид
• Компьютер, дагалдах хэрэгслийн худалдаа
• Мэдээллийн технологийн мэргэжлийн сургалт
• Мэдээллийн технологи-сэтгүүлзүй
• МХХТ-ийн зөвлөх үйлчилгээ
• МТ-ийн ТББ, Холбоод
• Мэдээллийн лавлах үйлчилгээ
• Телевиз
• Бусад

Үзэсгэлэнд оролцох байгууллагуудыг дөрөвдүгээр сарын 10 хүртэл бүртгэх гэнэ.