“Говь” ХК эрхэм хэрэглэгчиддээ зориулан 2012 оны Хавар, Зуны коллекцио худалдаанд гаргалаа. Бусдаас ганган бас дэгжин хувцаслаж хувцас загварын эрх чөлөөг мэдрэхийг хүссэн хэн бүхэнд зориулагдсан өнгө шийдэл, хэв маягаараа ялгарах тус коллекци эмэгтэй 44, эрэгтэй 18 загварын нийт 62 загвараас бүрдэж байгаа. Зуны улирлыг илтгэх цэцэгсийн тод, гэгээлэг өнгүүдийг түлхүү оруулахын зэрэгцээ завсрын өнгүүдтэй хослуулсан байдал нь шинэлэг өнгө төрхийг бий болгож чадсан юм. Нөгөө талаар сайхан хувцаслахад өнгөний сонголт чухал үүргийг гүйцэтгэдэг. Тэгвэл таныг эрч хүчтэй, олноос онцгой харагдахад Говь 2012 оны Хавар, Зуны коллекцийн өнгөний зохицол тусалж чадна гэдэгт итгэлтэй байна.

Загварын чиг хандлагын хувьд эртний Грек, Ромын уламжлалт хувцаснаас
сэдэвлэн эсгүүр болон шийдлийг гаргаснаар өөрийн гэсэн өвөрмөц утга
санааг илэрхийлсэн төдийгүй сүлжмэлийн нарийн, хүнд технологи болох
торон болон хээн сүлжээснүүдийг гар сүлжмэлтэй хослуулан загваруудыг
бүтээсэн нь хавар, зуны улирлын коллекцийн нэг онцлог юм. Зуны улирлын
хувцас нь хөнгөн шинж чанартай агаар солилцооны үзүүлэлт өндөр байх
шаардлагатай байдаг. Тус коллекци дахь ихэнх загваруудыг нарийн утсаар
урласан нь урин дулаан цаг агаарт илүү нийцүүлэн тав тухтай байдлыг бий
болгохыг зорьсонд оршиж байгаа юм. Өдөр тутмын болон чөлөөт, гоёлын
гэхчлэн ямар ч зориулалтаар өмсөж хэрэглэхэд сэтгэл ханамжийг тань
хамгийн өндөрт байлгаж чадахын зэрэгцээ таны шүүгээнд байдаг нимгэн
цайвар болон  богино жинсэн өмд, өнгө өнгийн даавуун юбкатай чинь ямар ч
асуудалгүй зохицно.