Сүүлийн өдрүүдэд Ц.Нямдорж сайдыг гайхаж шагших, нас нь дээр гарч бухимдуу, будлиу болсныг нь бас гайхсан яриа олны дунд ам дамжив. Хэд хоногийн өмнө бараг бүх телевизээр нэгэн зэрэг цацагдсан “Сайд ба сэтгүүлч” нэвтрүүлгээр түүний ярьсан ярианаас үүдсэн хэрэг.

Уг нэвтрүүлгээр эрхэм сайдын бухимдлаа илэрхийлж, бусдыг дайрч доромжлон, ярьсан яриагаа буцаад хэдхэн минутын дараа эсрэгээр нь бурж гарсан зэрэг нь ийн дүгнэхэд хүргэсэн бололтой. Тийм ч учраас Монголын Ардчилсан холбооныхон болох УИХ-ын гишүүн Х.Баттулгад хандан энэ хүний яриаг огт тоолгүй орхисон нь дээр юм биш үү гэсэн зөвлөгөө олон түмнээс нэлээд иржээ. Мөн twitter, facebook-д ч энэ тухай хэлэлцүүлгүүд өрнөж, ач холбогдолгүй хүнд анхаарал хандуулах нь цагийн гарз хэмээн үзэж буй талаархи хэлэлцүүлгүүд өрнөжээ.