"Монголын байгаль хамгаалах иргэний хөдөлгөөнүүдийн эвсэл" ТББ-ын нэхэмжлэлтэй Дорнодын Матад сумын Тамсагийн талд газрын тосны хайгуул олборлолт явуулж байгаа Хятадын 100 хувийн хөрөнгө орууллаттай "Петро чайна дачин тамсаг Монгол" ХХК-тай холбогдох байгаль орчны нөхөн сэргээлт хийх, хохирол барагдуулах тухай хэргийг Баянзүрх дүүргийн шүүхийн иргэний танхимд өнөөдөр 14.00 цагт хэлэлцэнэ. 

Шүүхэд нэхэмжлэл гаргасан "Монголын байгаль хамгаалах иргэний хөдөлгөөнүүдийн эвсэл" ТББ-ын  зүгээс шүүхээс  Монголын байгаль орчин, Матад сумын иргэд цаашлаад Монголын бүх ард түмний эрх ашигт нийцсэн шийдвэр гарган, шударгаар хянан шийдвэрлэнэ гэдэгт найдаж  байгаа аж.