Косово улсын Авлигатай тэмцэх газрын дарга Назми Мустафиг даваа гаригт хахуулийн хэрэгт сэжиглэн баривчилсан талаар Лента.Ру мэдээлэв. Назми Мустафи тушаал дэвших гэсэн албан хаагчдаас  хахууль авсан хэрэгт сэжиглэгдэж байгаа бөгөөд түүний удирдлагад ажилладаг нэг албан хаагчийн хамт баривчилсан ажээ.

Косово улсын Ерөнхий прокурор Исмет Кабаши мэдэгдэхдээ “Назми Мустафи хахуулиас гадна хэд хэдэн авлигын хэрэгт оролцсон байж болох зарим мэдээлэл надад ирсэн” гэжээ. Тэрбээр хэрэв энэ хэрэгтэй холбоотой мэдээлэл байгаа бол хүмүүсийг мэдэгдэхийг хүссэн байна. Тэдний мэдээлэл мөрдөн байцаалтад тус нэмэр болно гэжээ.

Хэвлэл мэдээллээр Назми Мустафиг тушаал дэвших гэсэн зарим хүмүүсээс хахууль авч байсан бөгөөд зарим зуучлагчид нь энэ мэдээллийг цацсан гэж бичжээ.