Улсын хэмжээнд он гарсаар 25 удаагийн ой, хээрийн түймэр гарсан байна. Өнөөдрийн байдлаар нэг түмэр асч, нэг түймэр цурманд байна. Тодруулбал,  Булган аймгийн Тэшиг сумын Хужирт багийн нутагт өчигдөр гарсан ойн түймрийг аймгийн Онцгой байдлын газрын албан хаагчид, орон нутгийн иргэд унтраахаар ажиллаж байна. Мөн Булган аймгийн Сэлэнгэ суманд  гарсан ойн түймрийг цурманд оруулсан, бүрэн унтраахаар ажиллаж байгаа ажээ. Түүнчлэн тус  аймгийн Хутаг-Өндөр суманд  гарсан ойн түймрийг бүрэн унтраасан байна. 

Энэ сард цаг агаарын хувьд үе, үе хүчтэй салхи шуургатай, хүйтэн хавсаргатай байх тул хаврын хуурайшилт, салхи шуургатай үед иргэд Түлсэн гал, асаасан шүдэнз, татсан тамхины гал, цог, үнс, нурмыг бүрэн унтраах, түймэрт өртөж болзошгүй нутаг дэвсгэрийг түймрээс хамгаалах зурвастай болгох, түймрийн хуурайшилт ихтэй үед ой, хээрт ил задгай гал түлэхгүй байх, машин, техникийн утааны янданг оч баригчтай болгох, гэр, байшин, малын хашаа, саравч, өвс тэжээл, худгийг эргэн тойронд 100-гаас доошгүй метрийн өргөнтэй цурав татах, шороон зурвас гаргах, түймрийн аюултай үед айл өрх бүр халуун үнс, нурмыг тусгайлан бэлдсэн таглаа бүхий нүх, саванд хийж гал алдахгүй байхыг Онцгой байдлын ерөнхий газраас анхааруулж байна.